Noong Agosto 2021, hinagupit ng bagyong Ida ang lugar ng Louisiana sa Amerika. Ilang oras na umapaw ang Mississippi River dahil sa lakas ng hangin at alon.

Tinataya ng mga eksperto na ang lakas ng isang bagyo ay maaaring maging katumbas ng lakas ng sampung libong bombang nukleyar. Naalala ko tuloy ang naging tugon ng mga Israelita sa lakas at kapangyarihang ipinakita ng Dios nang hatiin Niya ang Dagat na Pula na mababasa sa aklat ng Exodus.

Nang tumakas ang mga Israelita mula sa mga Egipcio na umalipin sa kanila nang ilang daang taon, napunta sila sa baybayin ng Dagat na Pula. Sa harapan nila ay ang malawak na dagat at sa likuran naman nila ay ang mga sundalong Egipcio. Ipinakita ng Dios ang Kanyang kapangyarihan sa tila imposibleng sitwasyong iyon nang “nahati ang dagat sa pamamagitan ng malakas na hangin na ipinadala ng Panginoon mula sa silangan. Buong gabing umihip ang hangin hanggang ang gitna ng dagat ay naging tuyong lupa. At tumawid ang mga Israelita sa tuyong lupa” (EXODUS 14:21-22). Nakita ng mga Israelita ang dakilang kapangyarihan ng Panginoon. Dahil dito, iginalang nila at pinagtiwalaan ang Panginoon (TAL. 31).

Maaari rin naman tayong mamangha sa dakilang kapangyarihan ng Dios na makikita natin sa Kanyang mga nilikha. Mailalagak din natin ang ating pagtitiwala sa Kanya dahil sa Kanyang kahanga- hangang kapangyarihan.