Naging tirahan at kanlungan na ng iba’t ibang uri ng hayop ang Rocky Mountain Arsenal National Wildlife Refuge. Nagsimula ito bilang lugar kung saan nakatira ang mga baka. Hanggang nadiskubre na may mga agila ring matatagpuan doon. Ngayon, isang ligtas na kanlungan ito ng higit sa tatlong daang species ng iba’t ibang klase ng hayop.

Sa Biblia rin naman, binanggit sa aklat ng Salmo na ang Dios ang ating kanlungan (62:8). Higit pa ang presensya o pagsama ng Dios sa kahit anong ligtas na lugar dito sa mundo. Ang Dios ang totoo nating ligtas na kanlungan. Sa Kanya tayo “nabubuhay, at kumikilos, at nasa Kanya ang ating pagkatao” (GAWA 17:28). Siya ang tanggulan at kanlungan natin sa lahat ng panahon (SALMO 62:8). Maaari tayong lumapit sa Kanya sa kahit anong pagkakataon. Palaging nakikinig ang Dios sa ating mga dalangin.

Ang Dios ang ating kanlungan. Hindi Siya magbabago mag- pakailanpaman.