Mahal siya ng lahat. Iyan ang paglalarawan ng karamihan kay Guiseppe Berardelli na mula sa bayan ng Casnigo sa bansang Italy. Malimit na umiikot sa bayan si Guiseppe sakay ng lumang motorsiklo. Binabati niya ang lahat. Wala rin siyang kapagurang gumawa para sa ikabubuti ng iba. Sa kanyang mga huling araw, nagkasakit siya, na lumala pa dahil sa coronavirus. Namatay siya sa ospital. Sabi ng isang kaibigan, handa raw si Guiseppe na ibigay ang kanyang kuwarto sa intensive care unit (ICU) sakali mang may mas batang nangangailangan noon. Larawan si Guiseppe ng isang taong minahal dahil sa kanyang pagmamahal sa iba.

Minahal dahil sa kanyang pagmamahal. Ito ang paulit-ulit na mensahe ni Apostol Juan sa kanyang Aklat. Sa Juan 15 mababasa ang lundo. Dito, inihayag ni Juan na hindi ang mahalin ng lahat ang pinakadakilang pag-ibig. Sa halip, ang pinakadakila sa lahat ay ang mahalin ang lahat: “Wala nang pag-ibig na hihigit pa sa pag- ibig ng isang taong nag-alay ng kanyang buhay para sa kanyang mga kaibigan” (TAL. 13).

Nagbibigay inspirasyon ang mga kwento ng pag-ibig na may kasamang pagsasakripisyo. Ngunit higit sa lahat ang dakilang pag- ibig ng Dios sa atin. Huwag nawa nating kaligtaan ang hamong kaakibat ng natanggap nating pag-ibig: “Magmahalan kayo katulad ng pagmamahal Ko sa inyo” (TAL. 12). Tulungan nawa tayo ng Dios na mahalin ang lahat nang walang pagtatangi.